რეჯეპ ტაიპ ერდოღანმა გერმანელი ჟურნალისტის დაკავების გამო ბერლინში გამოთქმულ კრიტიკას უპასუხა და გერმანიის ხელისუფლებას ტერორიზმის ხელშეწყობაში დაადანაშაულა.

სტამბოლში სიტყვით გამოსვლის დროს თურქეთის პრეზიდენტმა დი ველტის ჟურნალისტს "გერმანელი აგენტი" და "ქურთთა მუშათა პარტიის წევრი" უწოდა. პარალელურად, გერმანიის რამდენიმე ქალაქში ღონისძიებები გააუქმეს, რომლებზეც თურქი მინისტრები სიტყვით უნდა გამოსულიყვნენ, რასაც ოფიციალური ანკარის მხრიდან მწვავე პროტესტი მოჰყვა.