შეკვეთილში ბიძინა ივანიშვილის სახლთან „ნაციონალური მოძრაობის" ოზურგეთის ორგანიზაციის წევრები „რუსთავი 2"-ის მხარდასაჭერი აქციის გამართვას გეგმავდნენ.

სამართალდამცველებმა მათ შეკრების საშუალება არ მისცეს. „რუსთავი 2"-ის ინფორმაციით, პოლიცია ოპოზიციის წარმომადგენლებს ტერიტორიის დატოვებისკენ მოუწოდებდა.

„ის ნამდვილად ვერ გადარგავს „რუსთავი 2"-ს, ვერ გადარგავს ქართულ სახელმწიფოს მის დამკვეთთან კრემლში და ჩვენ ამის წინააღმდეგ ვიბრძოლებთ ყველა სამართლებრივ მეთოდის გამოყენებით," - განაცხადა „ერთიანი ნაციონალური მოძრაობის" ოზურგეთის ორგანიზაციის პოლიტსაბჭოს წევრმა ბესო ქათამაძემ.