ფინანსთა სამინისტროს საგამოძიებო სამსახურმა, „სამედიცინო საქმიანობის სახელმწიფო რეგულირების სააგენტოს" ფარმაცევტული საქმიანობის დეპარტამენტის უფროსი, დავით მაჭარაშვილი დააკავა.

ფსიქოტროპული მედიკამენტების იმპორტიორი ორი კომპანიის ხელმძღვანელი პირი სისხლის სამართლის პასუხისგებაში არის მიცემული.

გამოძიებით დადგინდა, რომ დავით მაჭარაშვილმა, ფსიქოტროპული და მასთან გათანაბრებული მედიკამენტების იმპორტის რაოდენობის დადგენის პროცესში, აღნიშნულ ორ კომპანიას უპირატესობა უსაფუძვლოდ მიანიჭა, შედეგადა მიმოქცევაში საჭიროებაზე მეტი ფსიქოტროპული და მასთან გათანაბრებული მედიკამენტები მოხვდა.

საქმეზე გამოძიება სისხლის სამართლის კოდექსის 332-ე მუხლით მიმდინარეობს, რაც სასჯელის სახით 3 წლამდე ვადით თავისუფლების აღკვეთას ითვალისწინებს.