10 მარტს გიორგი მარგველაშვილი საკონსტიტუციო ცვლილებებთან დაკავშირებით ახალი პროექტის პრეზენტაციას გამართავს. პრეზიდენტის პრესსპიკერის ეკა მიშველაძის განცხადებით, პროექტი კონსტიტუციური ღირებულებების შესახებ ცნობიერების ამაღლებას გულისხმობს .

„ამ კამპანიის მიზანია ყველას ჰქონდეს შესაძლებლობა საკუთარი მოსაზრებები დააფიქსიროს, პრეზიდენტის ადმინისტრაცია ამ შეხედულებებს საჯაროს გახდის და იმედი გვაქვს, რომ ისინი მოსმენილი და გაზიარებული იქნება" , - განაცხადა ეკა მიშველაძემ.

პროექტის პრეზენტაციაზე მედია, საერთაშორისო და ადგილობრივი არასამთავრობო ორგანიზაციები, დიპლომატიური კორპუსი, პოლიტიკოსები და საკონსტიტუციო კომისიის წევრები არიან მიწვეულები.