წინასწარი ინფორმაციით, ინციდენტი ქალაქ ლაიფციგში მოხდა. დაჭრილი ერთ-ერთ საავადმყოფოში გადაიყვანეს. მას ცეცხლსასროლი იარაღით 7 ჭრილობა აქვს მიყენებული, მათ შორის ერთი თავში.

ინფორმაციას „რუსთავი 2" ავრცელებს. მომხდარის შესახებ „კურიერს" დაჭრილის ახლობელმა აცნობა. მისივე თქმით, პაციენტის მდგომარეობა უკიდურესად მძიმეა. დაჭრილის მეგობრები დახმარებას ითხოვენ. როგორც ისინი ამბობენ, მათ დაშავებულის ოჯახის და ახლობლების შესახებ ინფორმაცია არ აქვთ. მომხდარ ინციდენტთან დაკავშირებით დამატებით დეტალებს საქართველოს საკონსულო გერმანიაში არკვევს.