ამ თემასთან დაკავშირებით დღეს ოპოზიციურმა პარტიამ საგანგებო ბრიფინგი გამართა. „ევროპული საქართველოს" წევრების განცხადებით, გადაწყვეტილება, რომელიც მგზავრობის ფასის გაძვირებას უკავშირდება, მთავრობის არასწორი პოლიტიკის შედეგია.

ოპოზიციური პარტია დედაქალაქის მთავრობას მოუწოდებს, რომ მგზავრობის ფასის მატების შემთხვევაში, საზოგადოების კონკრეტული ჯგუფებისთვის სუბსიდირება მოახდინოს. ოპოზიციის საპასუხო განცხადება თბილისის მერმაც გააკეთა.

დავით ნარმანია არ უარყოფს, რომ ტარიფი ნამდვილად ძვირდება, თუმცა, მისივე განმარტებით, ფასის მატება 10 თეთრით მხოლოდ იმ სამარშრუტო ხაზებს შეეხება, რომელთა მგზავრობის საფასური 40 თეთრს შეადგენს.