უმაღლესი იერარქიის მქონე სასულიერო პირებმა საპატრიარქოში შეკრება უკვე დაიწყეს, თუმცა მათ კომენტარები მედიასთან არ გაუკეთებიათ. სავარაუდოდ, სხდომაზე ბრალდებული დაკანოზის, გიორგი მამალაძის საქმესთან დაკავშირებით და ეკლესიაში არსებულ პრობლემებზე იმსჯელებენ. სინოდის სხდომა 12:00 საათზეა დანიშნული.

სინოდის შეკრებამდე ერთი დღით ადრე, საქართველოს მთავარმა პროკურატურამ საქმის მთავარი მტკიცებულებები გაასაჯაროვა და ფარული ჩანაწერების ნაწილი გამოაქვეყნა.

წმინდა სინოდის სხდომა გეგმურად, წელიწადში ორჯერ იკრიბება: აღდგომის შემდეგ და შობის მარხვაში და ეკლესიისთვის პრობლემურ საკითხებს განიხილავს. შარშან სინოდი 4-ჯერ შეიკრიბა. ბოლო სხდომა გასული წლის 22 დეკემბერს გაიმართა.