21 მოზარდი დაიღუპა და 40-მდე დაშავდა გვატემალას ერთ-ერთ თავშესაფარში გაჩენილი ხანძრის შედეგად. გავრცელებული ინფორმაციით, ერთ-ერთმა აღსაზრდელმა მატრასს ცეცხლი წაუკიდა.

თავშესაფარში ძირითადად ოჯახური ძალადობისა და ტრეფიკინგის მსხვერპლი მოზარდები ცხოვრობენ.

„მოამბის" ინფორმაციით, რამდენიმე დღის წინ, აღნიშნულ თავშესაფარში ამბოხი იყო, რის შედეგადაც, თავშესაფრიდან 60-მდე ბავშვი გაიქცა. აღსაზრდელები თავშესაფარში არსებულ მძიმე პირობებსა და სექსუალურ ძალადობას აპროტესტებდნენ.