ხელისუფლებამ დაჩქარებული წესით დაამტკიცა საფინანსო ზედამხედველობის საქართველოს ეროვნულ ბანკში დაბრუნების კანონპროექტი. მთავრობის პოზიციის სასწრაფად შეცვლა სავალუტო ფონდს უკავშირდება, რასაც დაუფარავად ადასტურებენ ფინანსთა სამინისტროში. წელიწად ნახევრის წინ "ქართული ოცნება" თავგამოდებით ამტკიცებდა, რომ ზედამხედველობის ეროვნულ ბანკში დატოვება არ შეიძლებოდა, ახლა კი იგივე შემართებით საპირისპიროს ასაბუთებს.