ოკუპირებულ აფხაზეთში ე.წ. საპარლამენტო არჩევნები ჩატარებულად გამოცხადდა. ოკუპირებული აფხაზეთის დე ფაქტო ცენტრალური საარჩევნო კომისიის თავმჯდომარის, თამაზ გოგიას ინფორმაციით, დღეს გამართულ ე.წ. საპარლამენტო არჩევნებთან დაკავშირებით, პირველადი შედეგები ხმების დათვლისთანავე გამოცხადდება. ამის შესახებ სააგენტო „Апсныпресс"-ი წერს.

გოგიას თქმით, ე.წ. არჩევნებში „ამომრჩეველთა" აქტოვობამ 25%-ს გადააჭარბა. მისი ინფორმაციით, ე.წ. ცენტრალურ საარჩევნო კომისიაში მხოლოდ ერთი ოფიციალური საჩივარი შევიდა, რომელიც გადასატან ყუთს ეხებოდა.

წინასწარი ინფორმაციით, დეპუტატის მანდატი ე.წ. ყოფილმა პრეზიდენტმა, ალექსანდრე ანქვაბმა მოიპოვა. საკანონმდებლო ორგანოს ახალ შემადგენლობაში ყოფილი პრემიერი, ლეონიდ ლაკერბაიაც შევა.