ცენტრალურ მექსიკაში, ვერაკრუზის შტატში სამარხი აღმოაჩინეს. ამის შესახებ ინფორმაციას, „CNN"-ი ავრცელებს. მაუწყებლის ცნობით, სამარხში 250-ზე მეტი ადამიანის თავის ქალაა ნაპოვნი.

ადგილობრივი ხელისუფლების განცხადებით, დაკრძალული ადამიანები სავარაუდოდ ნარკოკარტელის მსხვერპლი გახდნენ. როგორც ცნობილია, იდენტიფიკაციის პროცესი რთული და ნელი იქნება.

სახელმწიფო რწმუნებულის, ჯორჯ ვინკლერის თქმით, შესაძლოა ეს მექსიკაში უდიდესი სამარხი იყოს. ის არ აკონკრეტებს სამარხის აღმოჩენის თარიღს, თუმცა ვარაუდობს რომ აღმოჩენა 2 წლის წინ განვითარებულ მოვლენებს უკავშირდება, როდესაც ადამიანები მასობრივად უჩინარდებოდნენ.