საქართველოს პრეზიდენტი გიორგი მარგველაშვილი პარლამენტის წინაშე ყოველწლიური მოხსენებით 7 აპრილს გამოვა.

საქართველოს პრეზიდენტის ადმინისტრაციის პრესსამსახურის მიერ გავრცელებული ინფორმაციით, პრეზიდენტმა მრჩევლებთან ერთად, საპარლამენტო გამოსვლისათვის მზადება უკვე დაიწყო.

„პრეზიდენტი საპარლამენტო გამოსვლაში შეეხება საქართველოს მოსახლეობისათვის ყველა საჭირბოროტო თემას. მათ შორის ეკონომიკური განვითარებისა და სოციალურ საკითხებს, უსაფრთხოებასა და საგარეო ურთიერთობებს, ასევე მედიისა და სასამართლოს თემებს" - აღნიშნულია პრეზიდენტის ადმინისტრაციის მიერ გავრცელებულ განცხადებაში.