სავაჭრო ცენტრ „ბავშვთა სამყაროში" მომხდარი ხანძრის შედეგად დაზარალებულებმა, პარლამენტის შენობის წინ მორიგი აქცია გამართეს. მოვაჭრეები ზარალის პირველად ანაზღაურებას, 5000 ლარის ოდენობის თანხას მოითხოვენ. მოვაჭრეებს ასევე დაზარალებულის სტატუსის მინიჭება სურთ. მოთხოვნების დაუკმაყოფილებლობის შემთხვევაში კი ყოველდღიურ აქციებს აანონსებენ.

ხანძრის შედეგად სავაჭრო ცენტრი „ბავშვთა სამყარო" 30 იანვარს დაიწვა. მეწარმეების პროდუქცია ფაქტობრივად სრულად განადგურდა. მოვაჭრეებმა ზარალის ანაზღაურების მოთხოვნით, რამდენიმე საპროტესტო აქცია მოაწყვეს.