პრემიერმინისტრი ფარული მოსმენების კანონზე პრეზიდენტის ვეტოს არ იზიარებს. გიორგი კვირიკაშვილს მმართველი გუნდის მიერ მიღებული ვარიანტი მოსწონს. პრემიერის განცხადებით, ვერ ხედავს საფუძველს, რომ ახალი სააგენტო უშუალოდ პრემიერს დაექვემდებაროს.

„ის სტრუქტურები, რომლებზეც არის საუბარი, საბოლოო ჯამში, არის ისევ და ისევ მთავრობის დაქვემდებარებაში, ამიტომ ამით განსაკუთებული თვისობრივი ცვლილება ვერ მოხდებოდა. ვფიქრობთ, რომ კანონი იმ სახით უნდა იყოს გატანილი, როგორადაც მიიღო პირველადი სახით პარლამენტმა", - განაცხადა კვირიკაშვილმა.

ფარული მოსმენების კანონზე პრეზიდენტის მოტივირებულ შენიშვნებს პარლამენტში დღეს პირველი მოსმენით განიხილავენ. მმართველი გუნდის წევრების განცხადებით, ისინი ვეტოს დაძლევას აპირებენ.