საქართველოში ტუბერკულოზის მსოფლიო დღესთან დაკავშირებით, არაერთი აქტივობა დაიგეგმა, მათ შორის, კონფერენცია, რომლის მიზანია ტუბერკულოზის ეპიდემიის მიმართ ცნობიერების ამაღლება.

ჯანდაცვის მსოფლიო ორგანიზაციის შეფასებით, საქართველოში უკანასკნელ წლებში დაავადების გავრცელების მაჩვენებლის კლება აღინიშნება, თუმცა ამის მიუხედავად, ეს მაჩვენებელი მნიშვნელოვნად აღემატება ევროპის რეგიონის და ევროკავშირის ქვეყნების შესაბამის მონაცემებს.

„გავერთიანდეთ ტუბერკულოზის დასამარცხებლად"- ამ სლოგანით, საქართველო ტუბერკულოზის მსოფლიო დღეს აღნიშნავს.