ფრაქცია "ქართული ოცნების" თავმჯდომარე რიმა ბერაძის განცხადებით, სულ 345 მოვაჭრეა, ვინც მერიისგან ერთჯერად დახმარებას მიიღებს. მისივე თქმით, ხანძრის შედეგად დაზარალებულმა მოვაჭრეებმა თავად წარმოადგინეს სიები, თუ ვის ეკუთვნის დახმარება.

ბერაძე აღნიშნავს, რომ 345 მოვაჭრიდან 97 თბილისში რეგისტრირებული არ არის, თუმცა მერიისგან ერთჯერად დახმარებას ეს პირებიც მიიღებენ.

რიმა ბერაძემ ასევე განაცხადა, რომ "ბავშვთა სამყაროს" ხანძრის შედეგად დაზარალებული მოვაჭრეებიდან 50 პირს გამგეობებიდან სოციალური დახმარების სახით 1000-დან 1500 ლარამდე თანხა უკვე აღებული აქვთ, თუმცა ეს მათ ხელს არ შეუშლით ერთჯერადი დახმარება თბილისის მერიიდანაც მიიღონ.