ევროპასთან უვიზო რეჟიმის ამოქმედებასთან დაკავშირებით ქუთაისის დავით აღმაშენებლის სახელობის აეროპორტში მოსამზადებელი სამუშაოები დღეს დილიდან დაიწყო.

საზეიმო განწყობისთვის, მგზავრთა სარეგისტრაციო მაგიდებზე ყვავილებისა და დროშების განთავსებაცაა დაგეგმილი.

28 მარტს საქართველოს პრემიერი, მინისტრთა კაბინეტის წარმომადგენლებთან, წარმატებულ სტუდენტებთან, დევნილ ბავშვებთან და ჟურნალისტებთან ერთად, ევროპის მიმართულებით სწორედ ქუთაისის დავით აღმაშენებლის სახელობის აეროპორტიდან გაემგზავრება.

უვიზო რეჟიმის ამოქმედების შემდეგ 28 მარტს ფრენები ბუდაპეშტის, სალონიკის, ლარნაკას და ვარშავის მიმართულებით განხორციელდება.