რუსეთში გამართულ აქციაზე პოლიციამ ათობით მომიტინგე დააკავა, მათ შორის ოპოზიციის ლიდერი ალექსი ნავალნი. მომიტინგეები კორუფციის შეჩერებასა და პრემიერ-მინისტრ დიმიტრი მედვედევის გადადგომას ითხოვდნენ.

უცხოური მედიასაშუალებების ინფორმაციით, დაკავებისას პოლიციამ ხელკეტები და ცრემლსადენი გაზი გამოიყენა. მათი თქმით, აღნიშნული აქცია ყველაზე მაშტაბური იყო, თუ არ ჩავთვლით 2011/12 წლების ხელისუფლების საწინააღმდეგო გამოსვლებს.

მოსკოვის გარდა, ხელისუფლების საწინააღმდეგო აქცია რუსეთის სხვადასხვა ქალაქში ჩატარდა.