ძმები ყარამაშიშვილების მიერ "რუსთავი 2"-ის საკონტროლო პაკეტის ტელეკომპანიის კოლექტივისათვის გადაცემა შესაძლოა, ჩაიშალოს ან იმ ფორმით არ მოხდეს, როგორითაც არხის ხელმძღვანელობას წარმოუდგენია. შაბათს ტელეკომპანიაში გამართულ თათბირზე შეირჩა თანამშრომელთა 40-კაციანი ჯგუფი, რომელიც ახალ შპს-ს ჩამოაყალიბებს სახელწოდებით "რუსთავი 2 ჩემია". არხის საკონტროლო პაკეტის მფლობელი სწორედ ეს შპს უნდა გახდეს.