საქართველოს და ლატვიის შს მინისტრებმა, სასაზღვრო სფეროში თანამშრომლობის შესახებ შეთანხმებაში, ცვლილებების ოქმს ხელი მოაწერეს. ხელმოწერის ცერემონია საქართველოს პრეზიდენტის სასახლეში გაიმართა.

ამ ცვლილებებით, ორ ქვეყანას შორის სასაზღვრო სფეროში თანამშრომლობა მრავალმხრივი და მასშტაბური ხდება. შეთანხმება მიგრაციის სფეროსაც მოიცავს. ცვლილებების ოქმი არალეგალური იმიგრანტების გამოვლენის, განთავსებისა და გაძევების სფეროში გამოცდილების გაზიარებას ითვალისწინებს.

შეთანხმებაში შეტანილი ცვლილება ასევე ითვალისწინებს ტრენინგების ჩატარებას როგორც მესაზღვრეების, ასევე შსს-ს სხვა მოსამსახურეების პროფესიული დონის ამაღლების მიზნით.