საქართველოს სპორტისა და ახალგაზრდობის საქმეთა სამინისტროსა და კოლუმბიის საგარეო საქმეთა სამინისტროებს შორის, ურთიერთგაგების მემორანდუმი გაფორმდა. დოკუმენტი სპორტის მიმართულებით ქვეყნებს შორის თანამშრომლობის გაღრმავებას ითვალისწინებს.

პირველ ეტაპზე კოლუმბიის მორაგბეთა ორი ასაკობრივი ნაკრები, მომზადებას საქართველოში გაივლის. თანამშრომლობის მომდევნო ეტაპი სპორტის სხვა სახეობებში სპორტსმენთა და მწვრთნელთა მომზადებას ითვალისწინებს.

„უცხოელების ასეთი დაინტერესება და სურვილი, სპორტსმენებმა საქართველოში გაიარონ მომზადება, იმის აღიარებაა, რომ საქართველოს ხელისუფლება სპორტის განვითარების მიმართულებით სწორ რეფორმებს ატარებს" , - განაცხადა ტარიელ ხეჩიკაშვილმა.