თბილისის საქალაქო სასამართლოში „ცენტრპოინტის" მთავარი საქმის განხილვა დასრულდა. მოსამართლე სათათბირო ოთახში გავიდა და განაჩენს 31 მარტს გამოაცხადებს.

საქმე ეხება სამშენებლო კომპანია „ცენტრპოინტის" პირველ საქმეს, რომელშიც 12 ობიექტზეა საუბარი. ამ საქმეში მაია რჩეულიშვილს და რუსუდან კერვალიშვილს, 250000-ლარიანი გირაო აქვთ შეფარდებული.

პროკურორის განცხადებით, მაია რჩეულიშვილმა გირაოს ღონისძიების პირობა დაარღვია და საგამოძიებო უწყებამ მისთვის ქონების ჩამორთმევა ამიტომ მოითხოვა .პროკურატურის ინფორმაციით, მან მენაშენეთა თანხები მიითვისა.

იმ შემთხვევაში, თუ მოსამართლე გამამტყუნებელ განაჩენს გამოიტანს, ბრალდებულებს 9 წლამდე პატიმრობა ემუქრებათ.