გუშინ, დონალდ ტრამპის ქალიშვილმა ივანკა ტრამპმა განაცხადა, რომ ის თეთრი სახლის ადმინისტრაციაში პრეზიდენტის საგანგებო მრჩევლის პოსტს დაიკავებს, თუმცა აღნიშნულ პოზიციაზე ის ანაზღაურების გარეშე იმუშავებს.

„ჩემი განცხადების შემდეგ გამოთქვეს შეშფოთება თეთრი სახლის ადმინისტრაციაში ჩემი მუშაობის შესახებ, თუმცა მე ამაში ანაზღაურებას არ ავიღებ და წესებს ისევე დავემორჩილები, როგორც სხვა თანამშრომლები,"-განაცხადა ივანკა ტრამპმა.

უცხოური მედიის ცნობით, ივანკა ტრამპს წვდომა ექნება ფინანსურ თუ გასაიდუმლოებულ ინფორმაციებთან.