საგარეო საქმეთა მინისტრის, მიხეილ ჯანელიძის თქმით, რუსეთის შეიარაღებულ ძალებში ე.წ. სამხრეთ ოსეთის ქვედანაყოფების შესვლის შესახებ შეთანხმება, ეს არის მკაფიო დარღვევა ყველა საერთაშორისო ნორმის და პრინციპის. მისი განცხადებით, ეს არის დარღვევა ცეცხლის შეწყვეტის შეთანხმებისა.

„ეს არის იმ პოლიტიკის გაგრძელება, რომელიც ორიენტირებულია ჩვენი ქვეყნის ტერიტორიების ოკუპაციაზე და დამატებით საფრთხეებზე. ჩვენ ვახდენთ საერთაშორისო საზოგადოების ინფორმირებას, რადგან ეს საფრთხეები მხოლოდ საქართველოსთვის არაა, არამედ მთელი რეგიონისთვის", - განაცხადა მიხეილ ჯანელიძემ.