ნატოს დღეებთან დაკავშირებით ღონისძიებები, როგორც თბილისში, ასევე რეგიონებში 9 დღის განმავლობაში გაიმართება. მოეწყობა საჯარო შეხვედრები, ღია კარის დღეები, ონლაინ კონფერენციები და სხვადასხვა სპორტული ტურნირები.

„ნატოს დღეები საქართველოში წელს მეათედ ტარდება. მისი მიზანი გახლავთ საზოგადოების ინფორმირება ნატო-საქართველოს ურთიერთობებზე. დაგეგმილია უამრავი ღონისძიება, როგორც თბილისში, ასევე რეგიონებში," - განაცხადა ჟურნალისტებთან ნატოსა და ევროკავშირის შესახებ საინფორმაციო ცენტრის დირექტორმა, ნინო ბოლქვაძემ.

ნატოს დღეები 11 აპრილს ნატო-საქართველოს სახალხო დიპლომატიის ფორუმით დასრულდება.