საქართველოს საგარეო საქმეთა სამინისტრო კოლუმბიის რესპუბლიკაში მომხდარ სტიქიას ეხმაურება და სპეციალურ განცხადებას ავრცელებს. საგარეო უწყება მწუხარებას გამოხატავს პუტუმაიოს პროვინციის ქ. მოკოაში მომხდარი წყალდიდობისა და მეწყერის გამო, რომელსაც ასობით ადამიანი ემსხვერპლა.

„საქართველოს საგარეო საქმეთა სამინისტრო უსამძიმრებს კოლუმბიის რესპუბლიკის მთავრობას, ასევე დაღუპულთა ოჯახებს და ახლობლებს და უცხადებს მათ გულითად თანადგომას ამ მძიმე წუთებში, ხოლო გადარჩენილებს უსურვებს სწრაფ გამოჯანმრთელებას" , - ნათქვამია საგარეო უწყების განცხადებაში.

მეწყერი კოლუმბიის სამხრეთ-დასავლეთ ნაწილში, გადაუღებელმა წვიმებმა გამოიწვია.რამდენიმე დასახლება მთლიანად განადგურდა. სახლების დიდი ნაწილი მიწაში ჩაიმარხა. დაკარგულ ადგილობრივებს მაშველები ამ დრომდე ეძებენ.