რუსეთის ჯანდაცვის მინისტრის, ვერონიკა სკვარცოვას თქმით, პეტერბურგის ტერაქტისას გარდაცვლილთა რიცხვი 14-მდე გაიზარდა. ამის შესახებ ინფორმაციას, რუსული გამოცემა „ria.ru" ავრცელებს.

„უკვე შეგვიძლია ვთქვათ,რომ ტერაქტს 14 ადამიანი ემსხვერპლა. 11 მათგანი ადგილზე გარდაიცვალა, სამს კი სიცოცხლისთვის შეუთავსებელი დაზიანებები ჰქონდა" , - განაცხადა ჯანდაცვის მინისტრმა.

ტერაქტი 3 აპრილს, სანკტ-პეტერბურგის მეტროსადგურ „ტექნოლოგიურ უნივერსიტეტში" მოხდა. ტერაქტი სავარაუდოდ მარტოხელა თვითმკვლელმა ტერორისტმა მოაწყო.

რუსეთში სამდღიანი გლოვაა გამოცხადებული.