საფრანგეთის საგარეო საქმეთა სამინისტრო, სირიაში მომხდარი ქიმიური თავდასხმის გამო, გაეროს უშიშროების საბჭოს საგანგებო სხდომის ჩატარებას ითხოვს. ამის შესახებ ინფორმაციას, სააგენტო „Reuters"-ი ავრცელებს.

„იდლიბის პროვინციაში დღეს ამაზრზენი ქიმიური თავდასხმა მოხდა. მე ვგმობ ამ საქციელს", - განაცხადა საფრანგეთის საგარეო საქმეთა მინისტრმა, ჟან-მარკ ერომ.

„გაზის თავდასხმის" შესახებ ინფორმაცია, უცხოურმა მედიამ დღეს დილით გაავრცელა. თვითმფრინავებმა იდლიბის პროვინციაში, ოპოციზიის მიერ კონტროლირებად ქალაქ ჰან-შეიჰუნში ავიაიერიშის დროს, ქიმიური იარაღი ისროლეს, რის შედეგადაც 58 მშვიდობიანი მოქალაქე დაიღუპა, მათ შორის ბავშებიც.

დიდ ბრიტანეთში მყოფი სირიელი დამკირვებლების ჯგუფის, „SOHR"-ის თქმით, თავდასხმის განხორციელება როგორც რუსულ, ასევე სირიულ მხარეს შეეძლო. ჯერჯერობით დაუდგენელია, კონკრეტულად რა სახის ქიმიური იარაღი იქნა გამოყენებული.