დღეს პარლამენტში „თამბაქოს კონტროლის შესახებ" საკანონმდებლო პაკეტს, პირველი მოსმენით განიხილავენ. ცვლილებების თანახმად, დახურულ შენობებში და საზოგადოებრივი თავშეყრის ადგილებში მოწევა 2018 წლის მაისიდან აიკრძალება.კანონის დარღვევის შემთხვევაში, დაწესებულების მეპატრონე 500-დან 5 ათას ლარამდე დაჯარიმდება.

2020 წლიდან აკრძალვა ბარებს, რესტორნებს და სტადიონებსაც შეეხება. კანონპროექტით, ასევე თამბაქოს ყველა სახის რეკლამა აიკრძალება. შეზღუდვები გაყიდვასა და რეკლამის გაუქმებაზე ეტაპობრივად, 2018-დან 2020 წლამდე განხორციელდება.

დღესვე კანონმდებლები „საგზაო მოძრაობის შესახებ" კანონში შესატან ცვლილებებს, პლენარულ სხდომაზე, მეორე მოსმენით განიხილავენ. მთავრობის მიერ ინიცირებული კანონპროექტი, მძღოლებისთვის 100-ქულიანი სისტემის შემოღებას და უკონტაქტო პატრულირებას ითვალისწინებს.