ესპანეთში ქართული კრიმინალური ჯგუფის 17 წევრი დააკავეს, რომლებიც რამდენიმე ქალაქში, მათ შორის მადრიდსა და ბარსელონაში ბინებს ძარცვავდნენ. სულ დაკავებულია 17 ქართველი. ისინი 47 ბინის ძარცვაში არიან ეჭვმიტანილნი. ამის შესახებ ესპანური სააგენტო „eldiario.es" წერს.

ისინი ძირითადად ძვირფასეულობას და ტექნიკას იპარავდნენ. დანაშაულებრივი ჯგუფის წევრების დასაკავებლად გამოძიება გასული წლის ოქტომბერში დაიწყო.

შინაგან საქმეთა სამინისტროს ინფორმაციით, ამ პროცესში საქართველოს ატაშეც იყო ჩართული. ამ ეტაპზე უცნობია განხორციელდება თუ არა მათი დეპორტაცია.