სანკტ-პეტერბურგში, ნევის რაიონში ასაფეთქებელი მოწყობილობა იპოვეს, დაკავებულია რამდენიმე პირი. საცხოვრებელი სახლიდან ევაკუირებული მოსახლეობა იქვე მდებარე საბავშვო ბაღის შენობაში გადაიყვანეს, მათთან ექიმები და ფსიქოლოგები იმყოფებიან.

ამის შესახებ გამოცემა „რია ნოვოსტი“ რაიონის ადმინისტრაციის ხელმძღვანელზე, კონსტანტინე სეროვზე დაყრდნობით წერს:

„ასაფეთქებელი მოწყობილობა,  ერთ-ერთ ბინაში იპოვეს,  რამდენიმე ეჭვმიტანილი აღნიშნულ საქმეზე დაკავებულია. ადგილობრივ მაცხოვრებლებს საფრთხე არ ემუქრებათ“, - განაცხადა სეროვმა.