„საფრანგეთის რესპუბლიკური პარტიის“ საპრეზიდენტო კანდიდატმა, ფრანსუა ფიონმა,  რადიოსადგურ „France Inter”-ის მეშვეობით  განაცხადა, რომ პრეზიდენტად არჩევის შემთხვევაში, ყველაფერს გააკეთებს რუსეთზე სანქციების მოსახსნელად.

„რაც კი შემიძლია ყველაფერს გავაკეთებ, რათა ევროპის მიერ რუსეთისთვის დაწესებული სანქციები გავაუქმო, ამის შესახებ  უკვე ვესაუბრე ანგელა მერკელს. ვფიქრობ  სანქციებს არანაირი შედეგი არ მოაქვს, გარდა იმისა, რომ ჩვენი სოფლის მეურნეობას ავნებს, სანქციები ის მეთოდი არ არის, რომელსაც მე გამოვიყენებდი, რათა რუსეთი პოზიციის შეცვლაში დამერწმუნებინა“ , -განაცხადა ფიონმა.