შვედეთის დედაქალაქში, სტოკჰოლმის ცენტრში, სატვირთო ავტომობილი ტროტუარზე გადავიდა სავაჭრო ცენტრში შევარდა. არიან დაშავებულები, მობილიზებულია პოლიცია და სასწრაფო დახმარების ავტომობილები. შეჯახების დროს ადგილზე იმყოფებოდა ასამდე ადამიანი. შვედური გაზეთის, „Aftonbladet"-ის ცნობით, მიმდებარე ქუჩები დაკეტილია და პოლიცია ადგილობრივ მოსახლეობას ტერიტორიის დატოვებისკენ მოუწოდებს, რადგან, ეჭვობენ, რომ აღნიშნულ შემთხვევაში ტერორისტების ხელი ურევია.

რაც შეეხება მსხვერპლს, ამ დროისთვის დაღუპულია სამი, დაშავებულები კი ქალაქის საავადმყოფოში გადაიყვანეს.