ერთი დღით ადრე, საქართველოს ოკუპირებულ ტერიტორიაზე არჩევნების ჩატარებას ამერიკის შეერთებული შტატები გამოეხმაურა. 9 აპრილს, ცხინვალის რეგიონში ე.წ. საპრეზიდენტო არჩევნებს და ე.წ. სამხრეთ ოსეთისთვის სახელის შეცვლაზე რეფერენდუმის ჩატარებას გეგმავენ. აფხაზეთის დე-ფაქტო ხელისუფლებამ, საქართველოს ოკუპირებულ ტერიტორიაზე, ე.წ. საპარლამენტო არჩევნები 12 მარტს გამართა. 26 მარტს კი არჩევნების მეორე ტური ჩატარდა.

"შეერთებული შტატები გმობს სამხრეთ ოსეთის კონსტიტუციური დასახელების რესპუბლიკა - ალანიად გადარქმევის საკითხზე 9 აპრილს რეფერენდუმის ჩატარების გადაწყვეტილებას. არ ვაღიარებთ აფხაზეთში 12 და 26-ს მარტს ჩატარებული და 9 აპრილს ე.წ. სამხეთ ოსეთში დაგეგმილი უკანონო არჩევნების შედეგებს, აშშ კიდევ ერთხელ გამოხატავს მხარდაჭერას საქართველოს ტერიტორიული მთლიანობისა და სუვერენიტეტის მიმართ და აღნიშნავს, რომ აფხაზეთი და სამხრეთ ოსეთი საქართველოს განუყოფელი ნაწილია" , - ნათქვამია აშშ-ს სახელმწიფო დეპარტამენტის წარმომადგენლის, მარკ ტონერის განცხადებაში.