„NBC"-ის ინფორმაციით, აშშ-ის ეროვნული უშიშროების საბჭომ, ტრამპს ჩრდილოეთ კორეის ბირთული პროგრამის წინააღმდეგ გეგმა გააცნო, სადაც ჩრდილოეთ კორეის დიქტატორის, კიმ ჩენ ინის ფიზიკური განადგურებაც შედის. აშშ-ს სახელმწიფო მდივანმა, რექს ტილერსონმა არ გამორიცხა ამერიკის მხრიდან სამხედრო ჩარევა იმ შემთხვევაში, თუ ჩრდილოეთ კორეა, სამხრეთ კორეას და იქ განთავსებულ ამერიკულ ბაზებს საფრთხეს შეუქმნიდა.

„არსებობს აშშ-ს საიდუმლო გეგმის კიდევ ერთი ნაწილი, რომლიც მიხედვითაც, ამერიკის და სამხრეთ კორეის სპეცნაზები ჩრდილოეთ კორეაში დივერსიული აქტების მოწყობისთვის უნდა შევიდნენ. კერძოდ, მოხდება მობილური სარაკეტო მოწყობილობების გაუვნებელყოფა" , - განაცხადეს ამერიკულ ტელევიზიაში.

25 წლის წინ აშშ-მა სამხრეთ კორეიდან მასობრივი განადგურების იარაღი გაიტანა და, ახალი გეგმის მიხედვით, ტრამპს სწორედ ამ იარაღის განთავსებას სთავაზობენ ოცანის სამხედრო ბაზაზე, რომელიც სეულიდან 70 კილომეტრში მდებარეობს.