შსს-ს საგანგებო სიტუაციების მართვის სააგენტოს ინფორმაციით, კურორტ ლოპოტაზე, ტბასთან მდებარე 2-სართულიან ხის კოტეჯს ცეცხლი გაუჩნდა, ხანძრის შედეგად არავინ დაშავებულა. სასტუმროს კოტეჯში ხანძარი 150 კვადრატულ მეტრ ფართობზე გავრცელდა. ადგილზე 6 სახანძრო ბრიგადაა მობილიზებული, მათ თქმით, ცეცხლი სახურავიდან გაჩნდა. თვითმხილველთა განცხადებით, ადგილზე სახანძრო ბრიგადა 20 წუთში მივიდა და ამ დროისთვის ხანძარი უკვე ლოკალიზებულია.