ბრიტანეთის საგარეო საქმეთა მინისტრმა, ბორის ჯონსონმა 10 აპრილს მოსკოვში დაგეგმილი ვიზიტი გააუქმა. ამის შესახებ ცნობას ბრიტანეთის საგარეო საქმეთა სამინისტროს ოფიციალურ ვებგვერდი ავრცელებს.

„10 აპრილს, მოსკოვში აღარ გავემგზავრები. ჩემი პრიორიტეტი - „დიდი შვიდეულის" ქვეყნების წარმომადგელებთან ერთად სირიაში არსებული ვითარების განხილვა და მიუხედავად გამოყენებული ქიმიური იარაღისა, რუსეთის მხრიდან პრეზიდენტ ბაშარ ასადის მხარდაჭერის საკითხია". - განაცხადა ბორის ჯონსონმა. 

ბრიტანეთის საგარეო საქმეთა მინისტრმა მოსკოვში ვიზიტი პირველად 27 მარტს გადადო. მაშინდელი მიზეზი ნატოს წევრი ქვეყნების საგარეო საქმეთა მინისტრების შეხვედრის გრაფიკის ცვლილება იყო.