რესპუბლიკელი სენატორი, დაზვერვის კომიტეტის წევრი, ადამ შიფი მიიჩნევს,რომ ტრამპმა სირიაში სარაკეტო დარტყმები კონგრესთან შეთანხმების გარეშე არ უნდა განახორციელოს. ამის შესახებ კანონმდებელმა „ABC"-სთან ინტერვიუსას განაცხადა. ინფორმაციას „thehill.com" ავრცელებს.
„არ მგონია, რომ სირიაზე იერიში კონგრესის დამტკიცების გარეშე უნდა მომხდარიყო" , - განაცხადა ადამ შიფმა.
სენატორის განცხადებით, იმედი აქვს, რომ ტრამპი სირიის წინააღმდეგ მოქმედებებს იმიტომ ამწვავებს, რომ პატივს სცემს საერთაშორისო ცივილიზებულ თანამეგობრობას.
„იმედი მაქვს, რომ ამ ქმედებით პრეზიდენტი ასრულებს იმ დესტრუქციულ ურთიერთობებს, რაც ბოლო დროს ჰქონდა" , - განაცხადა სენატორმა.
სირიაში, იდლიბის პროვინციაში ქიმიური იარაღის სავარაუდო გამოყენებაზე საპასუხოდ, ამერიკის შეერთებულმა შტატებმა ასადის რეჟიმის მიერ კონტროლირებად ობიექტზე, ჰომსთან მდებარე ავიაბაზაზე, სარაკეტო იერიში მიიტანა.