ტრამპის ადმინისტრაციის გადაწყვეტილებას, სირიაში სამხედრო იერიშების შესახებ, აშშ-ის მოსახლეობის თითქმის ნახევარი მხარს უჭერს. გამოცემა „huffingtonpost"-ის კვლევის მიხედვით, მოსახლეობის 51% ქიმიური თავდასხმის საპასუხოდ აშშ-ის სამხედრო დარტყმებს ეთანხმება. 32%-ს პრეზიდენტის გადაწვეტილება არ მოსწონს, ხოლო 17% პასუხში დარწმუნებული არ არის. ამის შესახებ ინფორმაციას, „thehill.com" ავრცელებს.

ტრამპის ამომრჩევლების უმრავლესობა,83 % პრეზიდენტის გადაწყვეტილებას დადებითად აფასებს, მოწინააღმდეგე კი მხოლოდ 11 %-ია.

კვლევაში მონაწილეობა 1000-მა რესპონდენტმა მიიღო. გამოკითხვა 7-8 აპრილს ჩატარდა და მისი ცდომილება +/- 3.8 %-ია.

სირიაში, იდლიბის პროვინციაში ავიაიერიში 4 აპრილს მოხდა.ქიმიური იარაღით თავდასხმისას 89 მშვიდობიანი მოქალაქე დაიღუპა და 300-მდე მძიმედ დაშავდა. დაღუპულთა შორის 8 წლამდე ასაკის 11 ბავშვია.

სირიაში ქიმიური იარაღის სავარაუდო გამოყენებაზე საპასუხოდ, ამერიკის შეერთებულმა შტატებმა ასადის რეჟიმის მიერ კონტროლირებად ობიექტზე, ჰომსთან მდებარე ავიაბაზაზე, სარაკეტო იერიში მიიტანა.