სიღნაღის რაიონის სოფელ ძველ ანაგაში ინციდენტი ურთიერთშელაპარაკების ნიადაგზე მოხდა. წარსულში მრავალჯერ ნასამართლევმა ი. ბ.-მ, 60 წლის მამაკაცი სანადირო თოფიდან, მუცლის არეში ერთი გასროლით დაჭრა.

დაჭრილი წნორის არქიმედეს კლინიკაში მოათავსეს, სადაც გადაუდებელი ქირურგიული ოპერაცია ჩაუტარდა. მოგვიანებით, დაზარალებული თბილისში, ქირურგიის ცენტრში გადაიყვანეს.

გავრცელებული ინფორმაციით, მხარეებს შორის დაპირისპირება საძოვრების თემაზე დაიწყო.  ბრალდებული მამაკაცი პოლიციამ დააკავა, იგი აღიარებს ჩადენილ დანაშაულს.  

მომხდარზე სისხლის სამართლის საქმე აღიძრა და გამოძიება ჯანმრთელობის განზრახ მძიმე დაზიანების ფაქტზე მიმდინარეობს.