სააღდგომოდ დე ფაქტო სამხრეთ ოსეთისა და აფხაზეთის ოკუპირებული ტერიტორიების მიმდებარე რაიონებში მცხოვრები მოსახლეობა მავთულხლართების იქით დარჩენილი ახლობლების საფლავების მონახულებას წელსაც ვერ შეძლებს. ოფიციალური თბილისის არაერთი თხოვნის მიუხედვად, დე ფაქტო მთავრობის ხელმძღვანელები მოსახლეობის გადასვლაზე კატეგორიულ უარს აცხადებენ. უფრო მეტიც, სამხრეთ ოსეთის ადმინისტრაციის ხელმძღვანელმა დიმიტრი სანაკოევმა ცხინვალის დე ფაქტო ხელისუფლებას სააღდგომოდ მავთულხლართების მეორე მხარეს დარჩენილ საფლავებზე გასვლის მსურველი ჭირისუფლების სიაც კი გადასცა, თუმცა არც ამაზე წამოვიდნენ.