თელავში კირილეს ქუჩაზე, ეჭვიანობის ნიადაგზე ქმარმა 26 წლის ცოლი დაჭრა. გოგონას მუცლის არეში შემავალი რამდენიმე ჭრილობა აღენიშნება. დაზარალებული თელავის რეფერალურ საავადმყოფოშია გადაყვანილი.

ექიმების თქმით, მის სიცოცხლეს საფრთხე არ ემუქრება. თვითმხილველების ინფორმაციით, დაჭრას წინ მეუღლეებს შორის ურთიერთშელაპარაკება უძღოდა.

38 წლის მამაკაცი პოლიციამ ცხელ კვალზე დააკავა. მომხდარზე საქმე 108-ე, განზრახ მკვლელობის მცდელობის მუხლით აღიძრა.