ყვარლის მუნიციპალიტეტის სოფელ ახალსოფლის საკრებულოში ჰიდროელექტროსადგურის მშენებლობის განხილვას, ხმაური და სიტყვიერი დაპირისპირება მოჰყვა. მოსახლეობა სოფელში ჰესის მშენებლობას აპროტესტებს და ამბობს, რომ პროექტის განხორცილების შემთხვევაში ადგილობრივები სარწყავი და სასმელი წყლის გარეშე დარჩებიან. მათივე თქმით, ისინი აქციებს მოაწყობენ და კომპანიას სოფელში სამუშაოების დაწყების საშუალებას არ მისცემენ.

საპირისპიროს ამბობენ კომპანია „ჯეო ფაუერში". მათი განმარტებით, პროექტის განხორციელება მოსახლეობას პრობლემას არ შეუქმნის, რადგან ნიადაგი შესწავლილია და ამის საშიშროება არ არსებობს. კომპანიის განცხადებით, მშენებლობაზე ადგილობრივებიც დასაქმდებიან.