ვლადიმერ პუტინი ევრაზიული კავშირის წევრ ქვეყნებს შორის ეკონომიკური თანამშრომლობის გაღრმავების ინიციატივით გამოდის. განცხადება რუსეთის ლიდერმა ბიშკეკში გამართულ გაერთიანების სამიტზე გააკეთა.

ვლადიმერ პუტინის შეფასებით, ევრაზიის ეკონომიკური კავშირის თანამშრომლობა წარმატებულია და მათ საერთო ბაზრის გაძლიერების თვალსაზრისით მნიშვნელოვან შედეგებს მიაღწიეს.

რუსეთის პრეზიდენტის თქმით, გარე ნეგატიური ფაქტორების მიუხედავად, 2016 წელს კავშირის სოფლის მეურნეობის წარმოება თითქმის 4%-ით გაიზარდა.

დღეს ყირგიზეთის დედაქალაქ ბიშკეკში ევრაზიის ეკონომიკური კავშირის წევრების შეხვედრა გაიმართა. შეხვედრაზე გადაწყდა, რომ რუსეთი და ყაზახეთი ბაიკანურის კოსმოსური სადგურის გამოყენების მიზნით, ყაზახეთთან თანამშრომლობას გააღრმავებენ.