თურქეთი ისტორიული რეფერენდუმისთვის ემზადება. ქვეყნის მოსახლეობამ ხვალ კონსტიტუციაში ცვლილებების შეტანის საკითხი უნდა გადაწყვიტოს. კამპანია ოფიციალურად დღეს დასრულდება, თუმცა მანამდე რეჯეპ ტაიპ ერდოღანი მხარდამჭერებს სიტყვით კიდევ ერთხელ მიმართავს.

საკონსტიტუციო ცვლილებები თურქეთის პრეზიდენტის უფლებამოლისების გაზრდას ითვალისწინებს. სოციოლოგიური გამოკითხვების თანახმად, რეფერენდუმზე გატანილ საკითხს მხარს მოსახლეობის 51% უჭერს.

საკონსტიტუციო ცვლილებები, რომელიც თურქეთში საპარლამენტოს ნაცვლად საპრეზიდენტო მართვის სისტემის შემოღებას გულისხმობს, პარლამენტში მმართველმა პოლიტიკურმა ძალამ, „სამართლიანობისა და განვითარების" პარტიამ შეიტანა.