ქუთაისში, დავით აღმაშენებლის სახელობის აეროპორტის მახლობლად მომხდარ ავტოსაგზაო შემთხვევას რვა წლის ბავშვი ემსხვერპლა, ერთი ადამიანი კი მძიმედ დაშავდა. თვითმხილველთა თქმით, ავტომობილი სწრაფად მოძრაობდა, რის შედეგადაც განათების ბოძს შეეჯახა.

შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 276-ე მუხლის მე-5 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.