ისრაელში, საქართველოს მოქალაქეებისთვის ახალი რეგულაცია ამოქმედდება. ცვლილებები საქართველოს იმ მოქალაქეებს შეეხებათ, რომლებიც ისრაელში თავშესაფარს ეძებენ. საქართველოს საგარეო საქმეთა სამინისტროს ინფორმაციით, იმ ადამიანებს, რომლებიც თავშესაფრის მოთხოვნაზე უარს მიიღებენ, აღარ მიეცემათ საშუალება, რომ ნებაყოფლობით დატოვონ ქვეყანა.
სამინისტროს საკონსულო დეპარტამენტის დირექტორის გიორგი ტაბატაძის განმარტებით, საქართველოს მოქალაქეებთან მიმართებაში თავშესაფრის მოთხოვნაზე ძირითად შემთხვევაში პასუხი უარყოფითი იქნება, რადგან ისრაელმა საქართველო უსაფრთხო ქვეყნების სიაში შეიყვანა და საქართველოს მოქალაქეებს თავშესაფრის მოთხოვნის საფუძველი არ გააჩნიათ.
„ნებისმიერი მოქალაქე, ვინც შეიტანს 17 აპრილიდან მოთხოვნას თავშესაფართან დაკავშირებით და განცხადება არ იქნება დაკმაყოფილებული, მათი დეპორტაცია მოხდება მაქსიმუმ ერთ კვირაში", - განაცხადა ტაბატაძემ.