ISIS -ის წევრები ავრცელებენ ინფორმაციას, რომ ერაყის ქალაქ მოსულთან ტერორისტული დაჯგუფება „ისლამური სახელმწიფოს" ლიდერის ალ ბაღდადის მრჩეველი მოკლეს.

„დაუდგენელი პირები მეტსახელად „კავკასიის ემირს" თავს ტალაფარის დასახლებაში დაესხნენ და ცეცხლსასროლი იარაღით მოკლეს" , - განაცხადეს ე.წ. ისლამური სახელწმიფოს წევრებმა.

ისინი გარდაცვლილის გვარს არ ასახელებენ. თავდასხმის შემდეგ ისლამური სახელმწიფოს მებრძოლებმა მოსულთან სრული მობილიზაცია გამოაცხადეს და მკვლელის ძებნას შეუდგნენ.