ქედაში ცენტრალურ საავტომობილო გზაზე ავარია მოხდა. ერთმანეთს მსუბუქი ავტომობილები შეეჯახნენ. ინციდენტის შედეგად არასრულწლოვანი ბავშვი გარდაიცვალა, 5 ადამიანი მძიმედ დაშავდა, - ისინი საავადმყოფოში არიან გადაყვანილები.

შინაგან საქმეთა სამინისტროს ცნობით, მძღოლები შემთხვევის ადგილიდან არ მიმალულან.

საქმეზე გამოძიება 276-ე მუხლის მე-5 ნაწილით მიმდინარეობს, რაც ტრანსპორტის მოძრაობისას უსაფრთხოების წესის დარღვევას გულისხმობს, რამაც ადამიანის სიცოცხლის მოსპობა გამოიწვია.