თამბაქოს კონტროლის შესახებ კანონპროექტთან დაკავშირებით მთავრობის მიერ წარმოადგენილი შენიშვნები კანონის გადავადების საფუძველი არ გახდება, ამის შესახებ ჯანმრთელობის დაცვისა და სოციალურ საკითხთა კომიტეტის თავმჯდომარე აკაკი ზოიძემ განაცხადა. მანვე იმედი გამოთქვა, რომ აღნიშნულ პროექტს, პარლამენტი სამივე მოსმენით 31 მაისამდე მიიღებს, რაც სიმბოლური იქნება, რადგან ეს დღე მსოფლიო ჯანდაცვის ორგანიზაციამ თამბაქოსთან ბრძოლის საერთაშორისო დღედ გამოაცხადა.